Изложба на ромски носии од Скопје и мултимедијална изложба за ромските занаети од антропологот Даниел Петровски денеска ќе бидат отворени во Галеријата „КО-РА“ во Домот на култура „Кочо Рацин“ во Скопје.
Ќе биде изложена празнична, свадбена и секојдневна носија. Се работи за проект на Здружението „Рромано Ило“- Скопје во соработка со Домот на култура „Кочо Рацин“ – Скопје и Музејот на Северна Македонија со поддршка на Министерство за култура.
Концертот со теми од ромската музика ќе се одржи утре, од 16 часот во новиот салон сутерен на Галерија „КО-РА“ во Домот на култура „Кочо Рацин“ – Скопје.