Изложба на проектот „НАОДИ“, со кој Македонија се претстави на 14-тата Меѓународна архитектонска изложба – Биенале во Венеција, ќе биде вечерва отворена во Концертната сала на Младинскиот културен центар во Скопје.
Како што се наведува во соопштението на МКЦ на настанот со почеток во 20:00 часот ќе биде промовирана и публикацијата „НАОДИ: Павилјон на Република Македонија, 14-та Меѓународна архитектонска изложба – Биенале во Венеција“, направена за потребите на македонското национално претставување, во која се поместени резултатите од истражувањето на поставената тема на Националните павилјони – „Впивање на модернизмот 1914 – 2014“.
Меѓународна архитектонска изложба – Биенале во Венеција се одржа од 7 јуни до 23 ноември 2014 година.