Во Галерија „Ко-Ра“ денеска ќе биде отворена изложбата „Двајца Привремени“ на уметниците Перо Кованцалиев и Васко Ѓоргиев.
Васко Ѓоргиев е роден 1983 во Гевгелија, завршил факултет 2009 во A.L.B.A. Џенова, Италија. Работи као самостоен уметник, сценограф, скулптор и иконограф. Живее и работи во Битола.
Перо Кованцалиев е роден 1982 во Гевгелија, дипломирал 2006 и магистрирал 2018 на Ф.Л.У при У.К.И.М Скопје, Р.С. Македонија. Работи како самостоен уметник, скулптор, конзерватор-реставратор и графички дизајн. Живее и работи во Скопје.
– Под насловот „Двајца Привремени“ создаваат двајца автори кои долги години творат самостојно. Оваа соработка е плод на долги заеднички разговори за уметноста т.е за се што се идентификува под тој поим во минатото, сегашноста како и можни нејзини идни појави. Соработката е привремена, како и се друго… Временски не е условена, просторно не е ограничена, физички e присутна, привремено…, истакна Кованцалиев по повод заедничката изложба.