И оваа година 15 студенти од тренинг-програмата за графички дизајн по втор пат одговорија на предизвикот да ја визуелизираат едноставната љубов кон трчањето и да ги инспирираат љубителите на предизвици да се вклучат на овогодинешниот „Трчај Бе“.
Со внимателно смислена креативна кампања, потенцирајќи го духот на градот Битола студентите направија успешен спој помеѓу наученото и идејата за „Трчај бе“. Секој на свој уникатен начин си најде место во оваа убава приказна, велат од програмата.
– Многу сме задоволни од овогодинешниот импакт кој го постигнаа студентите со дизјните за Трчај Бе. Синергијата помеѓу Monday Learning и Трчај Бе е неверојатна и затоа креативните идеи лесно навираат. Драго ни е што студентите работеа на една толку креативна кампања, каде максимално ги употребија сите алатки научени за време на програмата за графички дизајн. После само 3 месеци интензивен тренинг, решенијата за кампањата се навистина на напредно ниво и покажуваат дека и тоа како има голем креативен потенцијал во идните графички дизајнери. На вчерашната изложба која се случи во Центарот за култура – Битола сведоци бевме на позитивните реакции и за одличниот резултатот кој го имаше целата кампања. Мотивирани сме се повеќе на ваков начин да влијаеме врз културата на градот и да дадеме поттик што е можно повеќе луѓе да се приклучат на иницијативата – вели Николина Цветановска од тренинг-центарот.
Monday Learning“ е remote тренинг центар за програми од областа на графички дизајн, дигитален маркетинг и фриленсинг. Нивната мисија е да профилираат луѓе кои учат за да создаваат, а “оваа генерација млади дизајнери повторно го покажа тоа, преку кампањата за „Трчај бе.“
Трката „Трчај бе“ годинава се одржa на 4 септември и воедно е и Национално првенство во полумаратон.