Во Драмски театар денеска на пладне ќе биде одиграна „Алиса во земјата на чудата“, првата детска претстава на драмското студио „5+“.
Во претставата, покрај децата – членови на студиото, ќе учествуваат и Петко, Мина, Цветко и Комшо.
Претставата е според познатиот текст на Чарлс Лутвиг Доџсон, а го адаптираа и режираа едукаторите од „5+“ Александра Стојановска и Филип Кипровски.
Изборот на музиката го направи Влатко Галевски, а на сцената ќе може да се видат и специјално дизајнирани видео анимации, продуцирани од „5+“ продукција.
Парите собрани од билетите кои чинат по 100 денари, се наменети за Дневниот центар за децата со посебни потреби во Битола.