Групна изложба со 40 дела од 30 уметници, членови на Друштвото на ликовните уметници од Прилеп (ДЛУП) ќе биде отворена вечер во ликовниот салон на Центарот за култура „Марко Цепенков“ во Прилеп.
Изложбата е во рамките на програмските активности на ДЛУП преку кои се презентираат новосоздадените дела на сликарите, скулпторите, вајарите и графичарите кои своите творби ги изработија на слободни теми во последните две години.
На отворањето на изложбата ќе бидат доделени четири награди и тоа – за животно дело „Велебит Рендиќ“ за сликарство „Борко Лазески“ за вајарство „Јордан Грабул“ и за графика „Ордан Петлески“.