Во Културно-информативниот центар на Република Македонија во Софија вечер ќе биде отворена ретроспективна изложба на графики од мал формат од Меѓународното биенале во Тетово.
На изложбата ќе бидат претставени 240 графики во сите графички техники, дела на графичари од 70 држави.
– Изложбата претставува пресек на графичките вештини на уметниците-графичари во изминатите 13 години – од првото биенале во 2001 година, до последното во 2013 година, соопшти КИЦ на РМ во Софија, кој ја организира изложбата заедно со НУ Музеј на тетовскиот крај во Тетово и со поддршка од македонското Министерство за култура.
Изложбата во Софија ќе ја отворат Васко Шутаров и Велимир Цветановски и ќе може да се посети до 21 ноември.