На Економскиот факултет при Универзитетот „Св. Кирил и Методиј“ денеска ќе биде отворена изложба на фотографии на проекти поддржани од Европската унија, насловена „Партнери во реформите“.
Изложбата ја организира Делегацијата на Европската унија во Република Македонија во соработка со Економскиот факултет и Центарот за податоци и информации за ЕУ кој функционира во рамки на факултетот.
На изложбата ќе се обратат Аиво Орав, шеф на Делегацијата на Европската унија во Македонија, и Љубомир Дракулевски, декан на Економскиот факултет-Скопје.
По нејзиното отворање, на Економскиот факултет ќе се одржи и предавање на тема „Економско владеење – учење преку искуствата на земјите-членки на ЕУ: Финска и Словенија“.