Во читалната „Славко Јаневски“ во Центар, синоќа блескаше од бои. Младата Јулија Малахова, го имаше своето прво деби во светот на ликовната уметност. Пред пријателите, намерниците, колегите се претстави со 30 дела насликани во акрил со неколку техники.
Изложбата е со наслов „Подарок за роденден“, и е посветена на една специјална личност во нејзиниот живот.
„Ова е моја прва изложба, многу сум возбудена, но и охрабрена да продолжам, она што го чувствувам и доживувам, да го изразам преку светот на боите. Желбата за убавина, ја наследив од мојата мајка, по потекло од Русија. И благодарам на мојата мајка за несебичната поддршка, но доколку толку многу ме подржуваше и во ракометот, денеска ќе чекорев по нејзините патеки“, рече Малахова.
Нејзината мајка е познатата ракометарка, европски шампион и најдобро крило во светот, Наталија Малахова Тодоровска.
Делата на Малахова може да се видат во наредните два дена во читалната „Славко Јаневски“.
