Фолклорниот ансамбл „Тиквеш“ од Кавадарци најуспешна група на „Илинденски денови“

Од:

Фолклорниот ансамбл „Тиквеш“ од Кавадарци е прогласен за најуспешна фолклорна група која на републичкиот фестивал на народни песни и игри „Илинденски денови“ во Битола презентираше традиционална музика и игра.

На синоќешното свечено затворање на фестивалот што се одржа во археолошкиот локалитет Хераклеа, стручното жири соопшти дека за најуспешна група која презентираше староградска музика и игра е прогласена КУД „Пензионер“ од Прилеп, за најуспешна вокална групна изведба награда доби КУД „Јане Сандански“ од Неготино, за најуспешен изворен оркестар прогласен е Ансамблот „Тримери“ од Струмица, додека посебна награда за најуспешна соло вокална изведба награда доби Миливој Миладиновски член на КУД „7-ми Септември“ од Македонски Брод.

Во чест на наградените, во амфитеатарот на археолошкиот локалитет Хераклеа целовечерен концерт одржаа македонскиот гитарист Влатко Стефановски и американскиот гитарист од српско потекло Мирослав Тадиќ.

Годинава на 49. издание на Републичкиот фестивал на народни песни и игри „Илинденски денови“ настапија над 1.000 учесници, членови на културно уметнички друштва, фолклорни групи и ансамбли од три континенти во Светот чиј домаќин беше НУ Центар за култура-Битола.

Би можело да ве интересира

Меѓународен детски фолклорен фестивал „Оро без граници“

Ана Ололовска

Детскиот фолклорен фестивал „Оро без граници“ – симбол на пријателство меѓу децата

Ана Ололовска

Затворено годинашното издание на Меѓународниот фолклорен фестивал „Св.Јоаким Осоговски”

Ана Ололовска

Започна Етно Плоштад фестивал 2019 во Берово

Ана Ололовска

Во Крива Паланка утре почнува 15-от Интернационален фолклорен фестивал „Св.Јоаким Осоговски“

Ана Ололовска

Вечер во Битола завршува фестивалот на народни песни и игри „Илинденски денови“

Ана Ололовска