„Црнила ремикс“ ќе гостува во Нови Сад и Загреб

Од:

Концертната верзија на сценско-музичката претстава „Црнила ремикс“, која е во продукција на Младинскиот културен центар, в сабота ќе биде претставена на музичкиот фестивал „EXIT“ во Нови Сад, на една од трите главни сцени – Fusion stage. Наредниот ден ќе биде прикажана и во клубот „Мочвара“ во Загреб, како специјална изведба во чест на наградените на петтото државно првенство на слем-поезија во Хрватска.

На 10 јули „Црнила ремикс“ ќе биде изведена на Школка во Градски парк, во рамки на првиот фестивал „Summerland“ во Скопје, на 14 јули ќе гостува на Д-фестивал во Дојран, а на 23 август и на 11. БОШ-фестивал во Гевгелија.

Театарско-музичкиот проект „Црнила ремикс“ е едно поразлично видување на класичното драмско дело на Коле Чашуле ставено во контекст на урбан хип-хоп албум. Поставен е по идеја и режија на Јордан Симонов и премиерно претставен минатата година на фестивалите „Здраво млади“ и „Млад отворен театар“. Во актерската екипа се: Стефан Вујисиќ, Александар Михајловски, Владимир Петровиќ, Горан Ников, Ненад Анѓелковиќ, Сања Арсовска и Павле Димковски.

Наесен е планирана и турнеја за театарско претставување на проектот. Покрај театарската и концертната верзија, „Црнила ремикс“ на почетокот на септември ќе се појави и како радиодрама на винил-издание.

Би можело да ве интересира

Во Скопје актерска работлиница според техниката на Чехов со предавач од Германија

„Необична вечер“ за крај на театарскиот фестивал во Крива Паланка

Ана Ололовска

Народниот театар од Охрид на 10 октомври ќе ја изведе претставата „Балканска 3а/2“

Ана Ололовска

„Како да се ограби банка” ја преполни Кривопаланечката театарска сала

Ана Ололовска

Почнува фестивалот „Албански театар во Македонија“

Ана Ололовска

Драмски театар со „Партија реми“ гостува во Торонто

Ана Ололовска