Младите гевгеличани, членови на ансамблот „Бојмија“ учествуваат на 18 меѓународен детски етно фестивал што се одржува во Хасково, Бугарија.
Ансамблот синоќа настапил на отворањето на фестивалот што се одржува под слоганот „Децата од Балканот-со духовност во Европа“ на кој учествуваат 105 групи и индивидуални уметници од 17 области и 44 населени места од Бугарија, како и 14 странски групи од Молдавија, Полска, Македонија, Србија, Русија и Турција.
Освен што ќе пеат и танцуваат, организаторите најавија дека децата на овој фестивал ќе слушаат и предавања за тоа како да се заштитат од интернетот и како безбедно да бидат учесници во сообраќајот.