Во организација на Кино сојузот на Македонија, Народна техника на Македонија и велешкиот Народен театар „Јордан Хаџи Константинов-Џинот“, вечерва во Велес во новата театарска зграда започнува 44. Државен натпревар на непрофесионален филм 2015.
За учество се пријавени 44 дела во пет категории: документарен, краток игран, експериментален, анимиран и едноминутен филм.
Жири комисијата во состав: Илинденка Петрушева, Јордан Витанов и Миле Петковски ќе одлучува за најдобрите во сите категории, а ќе се додели и „Гран при“ на фестивалот и златни плакети.
На вториот ден од фестивалот ќе се прикажат шест непрофесионални филмови снимани во Франција. Станува збор за кратки филмови кои траат од една до 14 минути во кои се прикажуваат слики од животот на обичниот француски човек, трките со бикови во јужните француски градови…