Црна Гора мора да преземе мерки насочени кон намалување на нивото на јавен долг, но тие не смеат да бидат креирани за да го загрозат екононскиот раст и развој, соопштено е денеска по средбата меѓу министерот за финансии Радоје Жугиќ и претставници на ММФ.
Жугиќ истакна дека Владата на Црна Гора, со усвојување на буџетот и пакетот мерки за финансиско прилагодување, е на добар пат да оствари придвижување во делот на намалувањето на дефицититот и рамнотежата на јавните финансии.
Според него, тоа се главните приоритети на Министерството за финансии во текот на оваа година.
На средбата, како што е соопштено, станало збор и за нивото на јавниот долг и инсистирањето во што е можно покус рок да се забави динамиката на неговото зголемување, односно да се обезбеди пресврт во трендот на јавниот долг.
Двете страни се согласија дека е неопходно преземените мерки да се насочат кон намалување на нивото на јавниот долг, нагласувајќи дека тие, меѓутоа, не смеат да бидат креирани така што ќе го загрозат економскиот раст и развој, се наведува во соопштението.