Пратениците од власта и опозицијата денес го изгласаа Законот за медиуми. Пратеничката од ВМРО-ДПМНЕ Лилјана Затуроска рече дека ова законско решение нема да ги отстрани сите аномалии, но е отскочна даска за реформите.
Таа најави дека ќе поднесат предлог за измени и дополнувања на законот.
Министерот за информатичко општество и администрација, Дамјан Манчевски рече дека се отворени за дијалог, нема да има проблем со функционирањето, но ќе се носат подзаконските акти заедно.
– Не може сите да се задоволни има бројни компромиси, но е шанса за почеток, рече Манчевски.
Во рок од 30 дена треба да се распише оглас за избор на членови на совет на МРТ и Агенција за медиуми, но поради претседателските избори, тие ќе се изберат кон средина на годината.
Галена Николовска-Ризвановиќ