„Законот за продолжување на мандатот на СЈО и Законот за спречување корупција и судир на интереси ќе се најдат идната недела на собраниска седница, како приоритетни“.
Ова го изјави пратеничка Снежана Калевска од СДСМ.
Таа истакна дека собраниската група за реформи и интеграции разгледала 19 закони кои се реформски и треба да се хармонизираат со европското законодавство.
„Ги разгледувавме приоритетните закони кои пред претседателските избори треба да бидат донесени. Законите треба да се усогласат со владата и да се најдат на седница“, рече Калевска.
Пратеничката не кажа детали, одговарајќи на новинарските прашања, но додаде дека се надева оти законите ќе бидат донесени во предвидениот рок.
Габриела Димковиќ-Мишевска