Парламентот на Шри Ланка изгласа недоверба на Владата, предводена од Махинда Раџапакса, поранешен авторитарен лидер, кој минатиот месец положи заклетва како премиер.
Резултатот од гласањето, предложено од опозицијата, може да значи дека Раџапакса треба да поднесе оставка.
Тоа е прва собраниска седница по 27 октомври, кога претседателот Маитхрипала Сирисена го разреши тогашниот премиер Ранил Викремесингхе и неговиот кабинет, го распушти и Парламентот, за да обезбеди поддршка за Раџапакса. Сепак, Врховниот суд пресуди дека Парламентот треба да продолжи да работи до следниот месец.