Ги разбирам грижите но не може да кажете дека ќе бидеме Северномакедонци. Идентитетот не го ограничува ниту еден меѓународен договор. Географски ќе има додавка и тоа е цената. Сите овие детали, експертите рекоа дека се исправни, рече Заев по забелешките на Вељаноски дека секој член одделно треба да се менува, наместо со еден амандаман како што се предвидува.
„Наша одлука е кога стапува на сила договорот со Грција и нормативно е исправно да се заштитиме, а тоа е барање на новата пратеничка група“, рече Заев во однос на одлуката да се применуваат измените со ратификување на договорот и протоколот за членство во НАТО, од грчка страна.
Претходно Заев ги образложи четирите нацрт амандмани кои Владата ги подготви и повика на инклузивност во процесот на уставни измени.
Галена Николовска-Ризвановиќ
