ВМРО-ДПМНЕ го повика градоначалникот на Општина Гази Баба, Борче Георгиевски, веднаш да отпочне со изградбата на градинката во Стајковци.
„Како што и самиот Борче Георгиевски изјави, советот на Општина Гази Баба во коешто мнозинство има коалицијата предводена од ВМРО-ДПМНЕ со ребалансот на буџетот обезбеди средства за овој проект, кој е ветен и за кој е отпочната целокупната процедура уште во периодот кога локалната власт ја предводеше ВМРО-ДПМНЕ“, рече Тони Симоновски.
Тој додаде дека опозицијата бара од Георгиевски да ги тргне на страна неговите партиски и бизнис интереси и без одлагање да започне со изградба на градинката, која досега требаше да биде изградена и во неа да бидат сместени 120 дечиња.
