Гостиварското село Чајле наскоро ќе добие канализација за отпадни води. Работите започнаа со ископ во близина на основното училиште, а во наредниов период ќе се работи на подготовка за поставување на канализација во деловите од селото низ кој нема канализациска мрежа.
– Работите за изградба на канализациска линија започнуваат со кракот во должина од 150 метри која ќе се приклучи на главната канализација. Во завршна фаза се подготовките за изградба на канализација во делот од селото што сé уште не е опфатено со канализација. По ова сите домаќинства во селото ќе може да приклучат на фекалната канализација и овој проблем трајно да биде решен, вели Исак Лазами – директор на ЈП „Комуналец“.