Прилеп продолжува со голем интензитет да маршира за, како што велат, слобода, иднина и демократија.
Вечерашниот марш, на кој се приклучија неколку илјади прилепчани, се упати од центарот на градот, кон населбата Тапани, каде беа блокирани неколку крстосници и каде се одржа граѓанскиот парламент.
На отворениот парламент, оваа вечер, пред жителите на населбата Тапани, се обратија потпретседателот на СДСМ, Зоран Јовановски и потпретседателот на ОМ – Марјан Огњановски.
Отпорот продолжува! Одиме до крај, до победа – порачаа граѓаните здружени во борбата против недемократската власт.
