Координаторот на пратеничката група на ВМРО-ДПМНЕ, Драган Данев, вели дека ако во Собранието има тајно гласање за уставни измени, тој ќе ја напушти седницата.
„Веднаш по завршувањето на референдумскиот ден јас го кажав личниот став, а тоа е дека за мене овој процес е завршен. Тоа значи дека волјата на граѓаните беше јасно и децидно искажана за време на референдумот“, рече Данев.
Тој повтори дека референдумот немал цензус, што е услов за успешен референдум.
„Јас како пратеник нема да гласам за уставни измени, со цел промена на уставното име“, додаде Данев.
Галена Николовска-Ризвановиќ