[staff name=”Зоран Јовановски” position=”Автор”][/staff]По пристигнувањето во Тетово поранешниот водач на ОВК и поранешен премиер на Косово Рамуш Харадинај имаше средба со лидерот на опозициската ДПА Мендух Тачи, а церемонијата за негово прогласување за почесен граѓанин се одржа пред зградата на локалната самоуправа.
Таму Харадинај пред насобраните граѓани рече: „Оваа почит што ми ја изразивте не е само за денеска, туку и за во иднина. Ветувам дека никогаш нема да ве разочарам и посрамотам“.
Лидерот на „Достоинство“ Стојанче Ангелов пред почетокот на церемонијата пред општинската зграда изјави дека не направиле масовни протести бидејќи не им била гарантирана безбедноста.
Откако без гласање тетовскиот општинскиот совет ја донесе одлуката за на Харадинај да му биде доделана титулата почесен граѓанин, седницата ја напуштија советниците Македонци. Според нив таа точка на дневен ред била ставена без претходна координација со што бил прекршен деловникот.
По ова од Државниот инспекторат за локална самоуправа ја поништија одлуката на советот на општина Тетово.