Вкупно 36,56 отсто, односно 985 лица гласале денеска во странство, каде на 33 места право на глас имаа 2.694 лица, соопшти на прес-конференција Државната изборна комисија.
Поради временската разлика сѐ уште се отворени шест места во Канада, САД и Лондон. Пет избирачки места од Канада и САД не се вклучени во бројката.
Според податоците што ги соопшти ДИК, во затворите излезноста била 64,69 отсто.
Од 1859 кои гласаат дома, односно болни и немоќни гласачкото право го оствариле 1520 гласачи, но гласањето се уште трае.
Во врска со инцидентот што денеска се случи во Австралија, од ДИК велат дека случајот е евидентиран и пријавен.
Денеска на референдумот гласаа болните, изнемоштените, лицата во домашен притвор, затворениците и државјаните на Македонија што живеат во странство.
Галена Николовска-Ризвановиќ