Тренерот на Јувентус, Масимилиано Алегри, го сопрел Кристијано Роналдо да присуствува на овогодинешното доделување на наградите на ФИФА во Лондон.
Португалецот беше меѓу трите финалисти за наградата „Најдобар фудбалер“, но не присуствуваше на церемонијата, а Алегри го оправда неговото отсуство.
– Жал ми е што тој не замина за Лондон, но утре имаме натпревар и тој мора да се подготви, рече Алегри.
Јувентус ќе се соочи со Болоња утре во 21 часот во шестиот круг од Серија „А“.
Претходно од светската фудбалска централа упатија критики до Роналдо и Меси дека го „дискредитираат фудбалот“ со тоа што не се појавуваат на свеченостите на доделување награди.
– Со своето однесување го дискредитираат фудбалот, можеби тоа и не го разбираат, изјави претставник на ФИФА за шпанска „Марка“.