Агенцијата за аудио и аудиовизуелни медиумски услуги денеска ќе одржи работен состанок во врска со Нацрт-методологијата за мониторинг на изборното медиумско претставување преку радио и телевизиските програмски сервиси за време на изборни процеси и Нацрт-упатството за исполнување на обврските за импресум и информации достапни за корисниците.
Целта на состанокот, како што наведуваат од АВМУ, е да се слушнат мислењата и ставовите на засегнатите страни во однос на двата документа, пред истите да бидат усвоени во конечна верзија.