Полицаец од Битола го извршил убиството што се случи вчера во прилепското село Беловодица. Според информациите на МВР станува збор за 24-годишниот Енвер Тоска.
Тој го признал делото и е приведен во полициска станица.
Убиениот е идентификуван како Алили Бекир. Тој бил сопственик на продавница. Неофицијално убиството се случило поради долг на пари односно полицаецот му должел пари на убиениот.
Тоска три години работел како полицаец во СВР Битола.
„Имено, вчера, околу 16,30 часот било пријавено дека во село Беловодица- прилепско на патот гори непознато лице. Веднаш по пријавата, на местото на настанот излегле полициски службеници кои пронашле изгорено тело.
Утврден е идентитетот на убиениот, кај кого биле забележани прострелни рани во телото.
Веднаш се преземени соодветни мерки и активности за пронаоѓање на сторителот и околу 02,00 часот приведен е Енвер Тоска, кој во целост го признал делото и го објаснил начинот на кој го извршил. Во текот на денот, Тоска ќе биде предаден на Јавното обвинителство“, соопшти портпаролот на МВР, Тони Ангеловски.
Ана Василева