Делегација на ОБСЕ/ОДИХР, предводена од амбасадорот Јан Петерсен, шеф на мисијата на ОБСЕ/ОДИХР во Скопје за следење на референдумот и Марек Мрачка, аналитичар за медиуми, денеска имаа средба со директорот на Агенцијата за аудио и аудиовизуелни медиумски услуги Зоран Трајчевски.
Главна тема на која се разговарало на средбата, соопшти АВМУ, била работата на Агенцијата за време на претстојниот референдум кој ќе се одржи на 30 септември, вклучувајќи ја правната рамка за изборно медиумско претставување, како и начинот на кој ќе биде реализиран мониторингот на радиодифузерите од страна на Агенцијата за време на овој период.