Демократската обнова на Македонија (ДОМ) на претстојните локални избори ќе настапи самостојно со советнички листи во 40-тина општини во Република Македонија и во Град Скопје, а коалициски за градоначалници. Извршниот одбор на партијата пред една недела ја донел одлуката која треба да биде потврдена утре седница на Централниот одбор.
– Нашата одлука за самостојни советнички листи е донесена поради потребата од посилна промоција на зелените политики и потребата од одржливи зелени решенија во сите сфери на општествениот живот во локалните заедници, како и заради понатамошно приближување кон Европската Зелена Партија… Ние и понатаму остануваме коректен партнер во владејачката коалиција, посветен на политиките и проектите за развој на Македонија во модерна европска и демократска земја, рече на прес-конферениција портпаролот на ДОМ Тони Ристов.
ДОМ на граѓаните ќе им понуди зелена програма базирана на Платформата за зелени општини која ја претстави пред една година. Приоритет на ДОМ и овојпат е родовата рамноправност и ќе биде голема застапеноста на жени како кандидатки и носителки на листите.