Министерството за труд и социјална политика информира дека веќе работи на расветлување на случајот со малолетното девојче од Домот 25 Мај кое вчера во полиција пријавило дека непознато лице извршило други полови дејствија над неа, додека престојувала на летување во Струга, но и оти засега нема потврда дека станува збор за силување.
– МТСП е во постојана комуникација со МВР и до овој момент нема потврда дека се работи за силување. Установата веќе ја обезбеди потребната стручна помош и заштита на девојчето и постапува согласно процедурите, се вели во соопштението од Министерството за труд и социјална политика.
Истовремено, додаваат оттаму, МВР презема мерки за целосно расчистување на случајот.