Важно е политичките лидери во земјата да најдат заеднички јазик и заеднички начин за излез од сегашната политичка криза, изјави денеска евроамбасадорот Аиво Орав, одговорајќи на новинарско прашање дали актуелните политички случувања ќе влијаат на извештајот на ЕК за напредокот на Македонија.
– Вашата земја има богата историја. Понекогаш соседите оваа историја поинаку ја интерпретираат. Но, она што е многу важно е поглавјето од историјата што ќе се пишува денес и во следните недели ќе биде позитивно поглавје во историјата на земјата, а вашите граѓани, вашите деца кога ќе учат од учебниците по историја во иднина, да можат да кажат: Да, ова беше многу позитивно поглавје во нашата историја, рече Орав, кој денеска ја посети општина Арачиново.