„Христијан Мицкоски декларативно вели дека е за иднина, време е да го докаже тоа на дело и да ги повика членовите на ВМРО-ДПМНЕ да излезат на референдум и да изберат иднина.
Во спротивно, Мицкоски ќе покаже дека лаже и дека всушност е за изолација, назадување и неизвесност.
Мицкоски, ЕУ и НАТО се нашата иднина. Ајде, ако си за просперитетна иднина поддржи го референдумот на кој граѓаните ќе го имаат последниот збор и ќе одлучат за македонска иднина во ЕУ и НАТО.
Раководството на ВМРО-ДПМНЕ предводено од Мицкоски се уште има шанса да се обедини со останатите политички субјекти коишто се за напредок на Македонија и затоа е потребно јавно и недвосмислено да го поддржи референдумот. Во спротивно Мицкоски и раководството на ВМРО-ДПМНЕ остануваат изолирани и заглавени во темното минато на криминал, корупција и неказновост, заглавени на браникот на криминалите на нивната партија.
Антидржавното однесување на ВМРО-ДПМНЕ и Мицкоски нема да ја закочи македонската иднина.
На 30 септември, граѓаните, слободно и достоинствено на референдум ќе дадат поддршка за влез на Македонија во ЕУ и НАТО, преку прифаќање на Договорот со Грција.
Граѓаните се јасно определни и велат ДА за македонската иднина“, се вели во соопштението на СДСМ.