ВМРО-ДПМНЕ нема да ја бојкотира седницата денеска, пратениците ќе учествуваат на седницата на која се очекува да се распише референдум. Јанушев не одговори дали ќе го бојкотираат референдумот, рече дека ако се изгласа одлуката за референдум дополнително партиските органи ќе одлучат.
– Самоволието на парламентарното мнозинство продолжува за референдумот. Свесни дека е штетно за Македонија, се обидуваат на сила да протуркаат двосмислено прашање. Било кое прашање треба да е по пат на консензус. ВМРО-ДПМНЕ не прифати да е декор на власта, удар на демократија. Членот 15 од Закон за референдум вели дека прашањето треба да е недвосмислено, „за“ или „против“. Треба да е сосем јасно и единствено за договорот. Вака е манипулативно. Бараме да се откаже од насилничкото однесување, рече Игор Јанушев, генерален секретар на ВМРО-ДПМНЕ.
Галена Николовска-Ризвановиќ