Трамп: Ако пропаднат договорите ќе бидам најголем непријател на Путин

Од:

Американскиот претседател Доналд Трамп изјави дека ќе стане „најголем непријател“ на шефот на руската држава Владимир Путин, доколку договорите што тие ги постигнаа не вродат со плод.

– Ќе бидам најголем непријател што некогаш го имал, изјави Трамп во интервју за Си-Ен-Би-Си. чии делови објави телевизијата.

Трамп сепак нагласи дека сака да ја искористи можноста за унапредување на односите меѓу САД и Русија, дури и по тврдењата на американските разузнавачки агенции дека Москва во неколку наврати се обидела да се меша во претседателските избори во земјата во 2016 година.

– Да се согласуваш со Путин, да се согласуваш со Русија, е позитивно, не негативно, додаде претседателот на САД.

Трамп при тоа го обвини неговиот претходник Барак Обама дека бил „целосно наивен“ во однос на Русија, додека сега, според него, тој има многу поцврст став кон Москва од кој било друг американски претседател во последните „многу, многу години“.

Интервјуто на Трамп за Си-Ен-Би-Си во целост ќе биде емитувано вечерва.

Би можело да ве интересира

ВИДЕО: Студентите на пропалестинските протести во Тексас се судрија со полицијата

Торнадото во Оклахома однесе најмалку два животи, четворица повредени

Претседателскиот кандидат Џил Стајн е уапсена на протест против војната во Газа

(ВИДЕО) Пропалестинските протести се шират на американските универзитети, десетици уапсени

Бостонската полиција уапси 100 студенти на протестите против војната во Газа

Тројца повредени во торнадо во Небраска, стотици куќи оштетени