Податоците за колку пари се потрошени за прославата ќе бидат достапни од понеделник. Ние ништо не криеме, не држиме дамо пресови, туку даваме информации, рече министерката за одбрана Радмила Шекеринска на прославата по повод поканата од НАТО во Скопје.
На прашањето кои се поголеми ѕвезди, дали политичарите кои дојдоа и се сликаа со присутните или музичарите, Шекеринска рече дека музичарите се на сцената, а тие пред неа и важно е да се забавуваат сите.
За тоа кога Македонија може да очекува влез во НАТО, Шекеринска рече идната година, доколку се даде шанса на граѓаните да одлучуваат, а не на политиканството.
Покрај министерката Шекеринска, на прославата во градскиот парк во Скопје се и министерот за надворешни работи Никола Димитров, пратеници од владејачкото мнозинство, како и амбасадорите на САД и Италија, Џес Бејли и Карло Ромео.
Кристијан Ландов