Во дебарското село Долно Мелничани е ограбена црквата „Воведение на Пресвета Богородица-Света Пречиста“.
– Украдена е големата икона на Света Богородица од исконостасот, две целивни икони, како и царевите двери. Полицијата е известена и во тек е увид по што целосно ќе се знае се што е однесено, изјави Благоја Спироски, намесник на Дебарската парохија.
Според него, кражбата ја забележале жители од Дебар, кои по потекло се од ова село, кога утрото дошле да запалат свеќи.
Во тек е увид од страна на екипа на дебарската полиција. Црквата е стара неколку века, а обновена е во деветнаесеттиот век.