Од утре започнува со работа отворениот градски базен кој функционира во рамки на спортскиот комплекс базени Куманово.
Посетителите, пред се младите, ќе имаат можност да се забавуваат во текот на летниот период и да рекреираат на комплексот кој зафаќа површина од 550 метри квадратни самиот базен и располага со 200 лежалки. Деновиве, базенот генерално е и во наредниот период ќе се врши чистење и хлорирање на водата.
Директорот на ЈП „Чистота и Зеленило“, Даниел Стојчевски, денеска информираше дека базенот во зависност од временските услови ќе работи до први септември. Цените остануваат на исто ниво како и лани, за најмладите до седум години кои ќе го посетат базенот со родителите влезот е бесплатен, за деца до 12 години е 75 денари, за возрасните 150 денари.
– На располгање има и тостови и пијалоци во угостителски објект со кои исто така стопанисува нашето јавно претпријатие, изјави Стојчевски.
Воедно, останува во функција и затворениот базен кој работи со редовно работно време, а отворениот ќе работи од 10 до 18 часот секој ден. На отворениот базен има спасувачи, но и волонтери од Црвениот Крст.