Само шест минути траеше средбата на која премиерот Зоран Заев и министерот за надворешни работи Никола Димитров, го информираа претседателот Ѓорге Иванов за постигнатиот договор со Грција.
Владиниот мерцедес со полициска придружба, во претседателската резиденција пристигна во 10.03 минути, а вила „Водно“ ја напушти во 10.09 минути, по што портите беа затворени.
Според официјалните изјави на премиеритe на Македонија и Грција, Зоран Заев и Алексис Ципрас, договорено е новото име на Македонија – Република Северна Македонија (Republic of North Macedonia) со превод на сите јазици, за севкупна употреба и ќе се прецизира со амандман во Уставот.