Македонскиот премиер Зоран Заев откако соопшти дека е постигнат договор со Грција, најави и дека можно е да се одржат предвремени парламентарни избори заедно со референдумот за името оваа есен.
-Можмо е да бидат заедно со референдумот, а може и со претседателските избори. Тоа е мое мислење, не сум ги консултирал коалиционите партнери. Според мене добро е да се истера целиот мандат, поради економијата, но тоа е до таму до каде што зависи од нас, но ние сме спремни да одиме на избори, анкетите се на наша страна, рече Заев.
На новинарско прашање што доколку опозицијата и претседателот не ја прифатат промената на името, Заев кажа дека остава сепак шанса за успешен референдум.
-Граѓаните треба да излезат на референдум и да го кажат својот став и конечно Европската Унија да ги отвори вратите за Македонија, рече Заев.