Точно напладне околу 300 матуранти од Куманово истовремено танцуваа со своите врсници од десетина градови од Македонија, од Централна и Југоисточна Европа.
На матурантите им се обрати претседателот на Совет на Општина Куманово, Атина Мургашанска, која им порача дека матурата е круна на нивниот средношколски живот.
– Општина Куманово заедно со училиштата по 12-ти пат организира матурски танц и се поврзуваме со младите од повеќе европски градови. Со танцот вие заедно со младите од Европа, креирате нов начин на обединување и одбележување на крајот на училишните денови, рече Мургашанска.
Матурантите играа, а сограѓаните им посакаа успешно да зачекорат во светот на возрасните, посакувајќи им среќа во справувањето со идните предизивици на личен и професионален план.
Организатори на манифестацијата беа Општина Куманово, Советот на општината, Фондацијата за култура и спорт и Секоторот за образование.