СВР Куманово со жителите на општина Куманово, одржа Локален совет за превенција на тема „Неовластено пукање од огнено оружје на семејни и други веселби“. Активноста е дел од проектот што се реализра под мотото „Слави со срце, не со оружје“. Проектот се реализира во соработка со СВР Куманово, Општина Липково и Основно јавно обвинителство – Куманово.
– Се дискутираше за последиците од пукање на семејни веселби, огномети кои не ги изведуваат овластени лица, како и за опасности од возење на малолетни лица надвиснати и седнати на прозорци од возила. Донесени се повеќе заклучоци кои се однесуваат на преземање превентивни мерки во наредниот период за информирање на граѓаните за јакнење на свеста, да не се пука со огнено оружје на семејни веселби, се вели во соопштението на отсекот за превенција.
Во оваа акивност ќе се вклучи и Исламската верска заедница, одговорните од верските објекти, месната заедница, угостителите каде се организираат прославите. Во рамки на проектот ќе бидат поставени постери, ќе се делат флаери на влез од Р.Македонија за нашите државјани кои доаѓаат од привремена работа во странство. Со цел подигање на свеста во оваа насока, отсекот за превенција ќе дејствува и преку социјални мрежи, со постирање на настани и пораки од сајтови на локалните самоуправи. Оттаму ја нагласија и соработката и вклученост на медиумите во известување за настаните и јавно пренесување на пораките до пошироката јавност. Градоначалникот на Општина Липково ја даде својата поддршка и при првичната идеја за заедничко настапување, како и со лично ангажирање во активностите, објаснија од отсек за превенција.
Претходно е формирана работна група за работа на терен чиј носител е СВР Куманово, а претставници од ОЈО Куманово, Општините Куманово и Липково. Проектот ке се реализира и во останатите општини што ги покрива СВР Куманово.