Детското катче во големиот градски парк во Гостивар, повторно е ставено во функција, информираат од локалната самоуправа.
Оштетените реквизити се поправени, а дел заменети со нови, посипан е нов песок, поставени се рабници и ограда. Од оваа сезона детското игралиште ќе биде осветлено, за што е инсталирано и соодветно осветлување.
– Со рекоснтрукцијата и поправки, го ставивме ова катче на располагање на децата. Со поставеното осветлување ќе може да се користи и во вечерните часови, вели Аслиан Снопче раководителката на Одделението за јавни дејности при Општина Гостивар,
Таа апелира до сите граѓани на совесно користење, да се грижат за ова катче и да ги пријават сите оние кои ги оштетуваат реквизитите.
Од локалната самоуправа нагласуваат дека во наредниов предиод ќе се интервенира и во другите детски катчиња и на површините кои се користат за одмор и рекреација, што е дел од програмата за работа на канцеларијата за локален економски развој и имплементација на проекти.