Премиерот Зоран Заев по информацијата во медиумите дека Владата му предлага на Собранието да ја избере за заменичка на Комисијата за хартии од вредност, сестрата на Катица Јанева, Лиле Делиџакова, рече дека отпосле дознал дека тие се роднински поврзани.
„Ние само предлагаме. Собранието е тоа што ги носи одлуките. Секој граѓанин може да конкурира“, рече Заев и додаде: „Како да ѝ кажете дека нема право да конкурира ако ги исполнува усливите?“, одговори премиерот на новинарско прашање зошто Владата ја предлага сестрата на Катица Јанева. Јавноста е тука, слободно коментирајте ако има судир на интереси и неетичко однесување, им порача Заев на новинарите.
Во документ што е испратен од Владата и примен во Собранието на 2 мај оваа година, Владата бара Собранието да избере претседател и заменик на Комисијата кои ќе бидат професионално ангажирани и уште тројца членови кои ќе доѓаат на седници.
Комисијата за хартии од вредност треба да ја води Нора Алити, експратеничка од ДУИ, а останатите тројца предложени членови се: Зоран Колев, Кирил Јовановски, Душко Гошевски.
Васко Маглешов