Претседателката на ЛиДеМ, Моника Зајкова излезе со став за декриминализација на канабисот . Таа вели дека секој има право на сопствен избор, и не смее да биде осудуван за лична употреба и поседување на одредена количина на канабис. Еве го нејзиниот став:
„Особено ме радува фактот што по вклученоста и јавната поддршка на “Коноп-фест” организиран од здружението Билка за подигање на свеста за декриминализација на канабисот, како и соопштението во однос на поддршката и нудењето на бесплатна правна помош на Моника, но и осуда на чинот на притворање на нашата сограѓанка, го испровоциравме општеството за низа коментари, што е и целта на Либерално демократската младина (ЛиДеМ).
Имено, ние од ЛиДеМ, покрај досегашните активности во однос на декриминализација на канабисот и делумнуот успех, како што е легализирање на употребата на истиот во медицински цели, актитивно и во иднина ќе продолжиме со низа активности, како би иницирале издржана јавна и аргументирана дебата на сите заинтереси страни, а се со цел, конечна декриминализација на канабисот во Република Македонија.
Секој има право на сопствен избор, и не смее да биде осудуван за лична употреба и поседување на одредена количина на канабис“ смета Зајкова.
