Еден од врвните приоритети на општина Куманово е здрава и чиста животна средина. Градоначалникот Максим Димитриевски на својот ФБ профил реагира на обидите на несовесни граѓани на уништување на Спомен Костурницата и на фрлањето отпад.
„Ние ќе продолжиме да чистиме и градиме, многу повеќе отколку Вие што можете да загадите и уништите. Ние сме многу повеќе од Вас и ќе го изградиме Куманово и без Вас“, напиша Димитриевски.
Последниов месец, општина Куманово засади 500 садници, исчистени се две диви депонии. Но половина од садниците некој ги откорнал, а на исчистените места повторно никнува депонија. Димитриевски ветува дека повторно ќе ја средат Спомен Костурницата.
