Советот на општина Дебар, на денешната шеста редовна седница членовите ја усвоија завршната сметка на Буџетот на општината за 2017 година.
Според Ќазим Ќормемети, раководител на секторот за финансии и буџет, минатата година Општината ја завршила со суфицист од околу пет милиони денари.
– Буџетот за минатата година беше проектиран на 312.250.000 денари, а реализран е со 261.936.731 денари или 88 отсто од планираното. Остварени се вкупни расходи во износ од 256.980.695 денари,што значи забележан е суфицит од над 4.950.000 денари, образоложи Ќормемети пред советиците.
Што се однесува до планираниот прилив на средства, посочи тој, најголемо неоставрување е забележано кај ставката даночни приходи каде наместо планираните околу 60 милиони остварени се 45 милиони денари, како и капитални приходи каде се остварени 17,9 милиони или помалку за 8,2 милиони денари.
Буџетот за 2018 година е проектиран на 317 милиони и 250 илјади денари и споредено со ланскиот е „потежок“ за пет милиони денари.
На седницата советниците ја разгледаа и завршната сметка на ЈКП „Стандрад“, годишниот извештај за реализација на програмата за изградба, реконструкција, рехабилитација и заштита на општинските патишта и улици на подрачјето на општината за минатата година,како и други прашања од нивна надлежност.