Во рамки на Проектот на УСАИД – Партнерство за подобра бизнис регулатива, денеска во Дебар одржана беше деветтата инфо-0сесија на тема „Приоритетни прашања и проблеми за промена на Законот за работни односи“.
Настанот овозможи интерактивна дискусија и размена на искуства помеѓу сите учесници, со цел да се дојде до заклучоци за надминување на постојните бариери во процесот на законска имплементација и изнаоѓање соодветни решенија.
Овој информативен настан ги посочува одредбите што во пракса се покажуваат проблематични за примена, различно се интерпретираат и не кореспондираат со современите потреби на работниот процес.
Потребно е да се иницираат конкретни решенија за Законски промени имајќи ја во предвид релацијата на Законот за работни односи со другите прописи.
Настанот беше наменет за сите микро, мали и средни претпријатија кои се соочуваат со тешкотии во имплементирањето на самите закони и информирање на претпријатијата во Република Македонија за полесно спроведување на законите и паралелно јакнење на јавно-приватниот дијалог.
Во наредниот период проектот ќе продолжи да работи на конструктивни решенија за подобра правна усогласеност на компаниите и поддршка на механизмите за јавно – приватен дијалог помеѓу сите засегнати страни.
Сите проектни активности ги спроведува ЕПИ-ЦЕНТАР Интернационал и четирите клучни партнери: Стопанска комора на Македонија, Стопанска комора за информатички и комуникациски технологии – МАСИТ, Стопанска комора на северозападна Македонија и Сојуз на Стопански Комори на Македонија.
Преку активно учество во имплементацијата на проектот, коморите воедно ќе ги зајакнат и сопствените капацитети за подобро да ги застапуваат микро, малите и средните претпријатија.