Општина Куманово објави јавен повик за прибирање понуди за изработка на основен проект за добивање е-дозвола за изработка на техничка документација за фекална канализација за дел од три кумановски села Лопате, Речица и Добрашане и за улици во општина Куманово.
Проценетата вредност на тендерот изнесува 880.000 денари без данок на додадена вредност.
Понудувачот треба да обезбеди архитектонски и интегрални инженерски услуги, услуги за просторно планирање и инженерски услуги за уредување на земјиштето, поврзани научни и технички советодавни услуги и услуги за технички испитувања и анализа.
Понудите треба да бидат доставени до 2. април, годинава.
Општината објави и оглас за барање за прибирање понуди за изработка на основен проект за добивање е-дозвола за изработка на техничка документација за водоводна мрежа за улици и населено место во Општина Куманово. Проценетата вредност без ДДВ е 650.000 денари.