Актуелниот шампион во Формула 1, Луис Хамилтон, очекува во новата сезона силна конкуренција од страна на Ред бул и Ферари.
Иако неговиот клуб Мерцедес доминира во Формула 1 последниве четири години, минатата сезона борбата со конкурентите беше исклучително тесна, а Хамилтон очекува уште пожестоко ривалство оваа година.
– Секоја година мораме да бидеме на повисоко ниво. На пример Ред бул последната година ја завршија веднаш зад нас. Ние како светски шампиони сме совршена мета и верувам дека Ред бул и Ферари ќе ни бидат многу близу, истакна Хамлитон.
Возачот на Мерцедес смета дека конкуренцијата направила сериозни подготовки за оваа сезона.
– Ми се чини дека Ред Бул заврши одлична работа со болидите. Тука е и Ферари со кого имавме жестока борба лани. Ние сме исти, па овој викенд борбата ќе биде тесна, потенцира актуелниот шампион.
Новата сезона во Формула 1 почнува овој викенд во Мелбурн со Големата награда на Австралија.