Модната куќа „Версаче“ ќе престане да користи животинско крзно во своите колекции. Со ова, таа им се придружува на Гучи, Џорџо Армани, Хуго Бос, кои веќе претходно се одлучија на ваков чекор.
Организацијата Хјуман сосаети, која се бори против употребата на животинско крзно во модната индустрија, го поздрави таквиот потег на италијанскиот моден гигант, наведувајќи дека се работи за „многу влијателен бренд”, и симбол за софистицираност и гламур.
– Крзно? Излегов од тоа, Не сакам да убивам животни заради мода, изјави модната креаторка Донатела Версаче.
Версаче ќе го исфрли крзното од своите колекции, почнувајќи од сезоната есен-зима 2019.